Лицей – тек оқу орны емес. Бұл - жалпы адамзаттық және ұлттық құндылықтарға негізделген, заманауи өркениет талаптарына сай өмір салты.

Лицей оқушысы – өмір бойы үздіксіз өзін-өзі жетілдіретін, кез-келген нәрседе озық болуға ұмтылатын, салауатты өмір салтын ұстанатын, адамдармен бейбітшілік пен достық қарым-қатынаста болатын адам. Ол өзінің барлық әрекеттері мен істерінде Ар-намыс кодексін басшылыққа алады.

Құқықтары мен міндеттері:

· лицейдегі өмірді басқаруға қатысуға, оқушылардың өзін-өзі басқару органдарын сайлауға және сайлануға құқылы;

· Жарғы мен ішкі ережелерді сақтайды, ескі дәстүрлерді құрметтейді және жаңа дәстүрлерді қалыптастырады;

· өзінің сөзі мен ісіне жауап береді, берілген тапсырмаларға жауапкершілікпен қарайды, сынып пен лицейдің өміріне белсенді араласады;

· өз-өзіне, жолдастарына және ұстаздарына құрметпен қарайды, үлкенге құрмет, кішіге ізет көрсетеді;

· Елін, жерін және дәстүрін сүйеді;

· мектептің мәртебесінтүсірмей лицейдің абыройын арттыруға атсалысады;

· ұжымда өзара қарым-қатынас орнатуда достық қарым-қатынасты сақтайды;

· ойын ашық айтады, өзіндік көзқарасты еркін білдіреді;

· ортада жоғары талғам мен мәдениетіліктің үлгісін көрсетеді;

· жалған сөйлемейді, әділ көзқарасты қалыптастырады.

Лицей оқушысы болу – зор мәртебе!

Осы Кодекс оқушы лицейге түскен сәттен бастап бүкіл оқу кезеңінде қолданылады.