ШЕЛЛ, ЭНИ, EASST және жергілікті серіктес «Гауһар жолы» қолдауымен «Батыс қазақстан облысының қауіпсіз жолдары» жобасы аясында жол қауіпсіздігі бойынша мектеп-лицейімізде оқу сабағы ұйымдастырылды.

Оқу сабағында жергілікті жоба менеджері Бекказиева Элеонора оқушыларға сауалдар қоя отырып, жол ережесі туралы ақпараттық - түсіндіру жұмысын жүргізді. Сонымен қатар оқушыларға практикалық тапсырмалар беріп, жол келеңсіздіктерінен сақтанудың алғышарттарын баяндады. ПБ ЮПБ ЖПК полиция майоры Ибатова Акбобек Мураткалиевна көше бойларында орналасқан жол белгілерінің қызметін нақты түсіндіріп өтті.

Оқу сабағына қатысқан 7б сынып оқушылары қоғамда орын алатын жол - көлік оқиғаларынан сақтану, алдын алу, болдырмау туралы өз ойларымен бөлісті. Сабақ соңында белсенді оқушылар марапатталды.

Мектеп-лицейіміздің «Жас жол инспекторлары» құрамы оқушылары да инспектор мамандармен сұхбаттасып, жол қауіпсіздігі жайлы білімдерін толықтырды.