«Жаратылыстану- өмір тану, табиғаттың сырын табу» тақырыбындағы химия, биология, география пәндері апталығы аясында «Жастар және табиғат-ортақ болашақ» тақырыбында мәдени экологиялық акция өткізілді.

Акцияның басты мақсаты - оқушыларға үлгі көрсету, қоршаған ортаға ұқыпты қарауға, еңбекке баулуға, туған жерді қастерлеуді үйрету, мектеп ауласын көркейту-көгалдандыру. «Бір тал кессең, он тал ек» қағидасын ұстанған халқымыз үшін тал егу - маңызды істердің бірі. Тал – бейбітшілік нышаны, табиғаттың нәзіктілігі және оны қорғау қажеттілігін еске түсіретін белгі. Мектебімізің жас мамандары тал көшеттерін отырғызуға атсалысты.