№41 мектеп -лицейінде 7 мамыр - Отан қорғаушылар күні және Жеңіс күні мерекесіне орай «Ұранды ердің – ұрпағы қайсар» атты тәрбие сағаттары өткізілді. Мақсаты: Оқушыларға Ұлы Отанды сүюге, елін қорғауға, ерлік көрсеткен батырлардың бойындағы ержүректілік, отансүйгіштік, ұлтжандылық қасиеттерін дәріптеуге, адалдыққа, бауырмалдыққа тәрбиелеу.

Тәрбие сағаттарында ұрпақ бойына еліне адал қызмет ету, Отанды сүю, қорғау, сол туған жерінің көркеюіне үлес қосу бағытында тәрбие беру мақсатында бейнефильмдер көрсетіліп, ән мен жырлар тыңдалып, ел қорғаған батырлардың ерлік істері туралы деректер берілді. Елінің патриот ұлы болу үшін өн бойымызға қандай қасиеттер болуы керектігі туралы оқушылардың да пікірі тыңдалды. Сынып жетекшілер мен сыныптың қыз балалары тәрбие сағаты соңында Отан қорғаушы ұлдарымызды мерекелерімен құттықтады.