18 мамыр күні Ұлы Жеңістің 77 жылдығына арналған «Жас Ұлан» бірыңғай балалар мен жасөспірімдер ұйымдарының «Жеңіс Ұландары» қалалық слеті өтті. Қазақ халқының тілін, мәдениетін, тарихын білу негізінде өскелең жас ұрпақтың бойында рухани-адамгершілікті қалыптастыру, балалар мен жасөспірімдердің азаматтық белсенділігі мен саналығын арттыру, балалардың зияткерлік, шығармашылық және әлеуметтік қабілеттерін өсіру. Жауапкершілік пен еңбек сүйгіштікті қалыптастыру, көшбасшылық және ұйымдастырушылық қабілеттерін, баланың жеке тұлғалық қасиеттерін дамыту мақсатында өткізілді.
«Жас Ұлан» бірыңғай балалар мен жасөспірімдер ұйымдарының «Жеңіс Ұландары» қалалық слеті «Жеңісті жырла, «Жасұлан», «Жас тілші», «Жас ақын», «Бала би» бекеттерінен тұрды. Оқушыларымыз әр бекет сайысына белсене қатысып, өздерін жоғары деңгейде көрсетті.
Осы сайыс түрлерінен мектеп-лицей жасұландықтары «Менің ұйымым» бекеті бойынша II орын, «Жас тілші» бекеті бойынша I орын иеленді.
Мектеп-лицейіміздің ЖасҰландықтарын және жетекшісі Балтабекова Диана Русланқызын жеңістерімен шын жүректен құттықтаймыз!
«Адамды тәрбиелеу – оның ертеңгі қуанышқа ие болатын, келешек жолын тәрбиелеу» А.Макаренко. Жеке тұлғаны дамытудағы бірізді жұмысты жүргізіп отырған тәрбие бөліміне алғыс білдіріп, сәттілік тілеп, шығармашылық табыс тілейміз!
