Орал қаласының №41 мектеп-лицейінің 11-сынып оқушысы, Туменбаев Айбек Назарбаев Унверситетінің грантын ұтып алды.

Мектебіміздің 11-сынып оқушысы Туменбаев Айбек өзінің табандылығы арқасында Назарбаев Университетіне оқуға түсті. Айбек осы университетке түсу үшін өзіне түрткі болған досы Назарбаев университетінің студентін мақтан етеді. IЕLTS сынағын үш рет тапсырып, сағы сынбай өз ойындағыдай балл жинаған соң, NUFYPET емтиханына дайындалғанын айтады. «NUFYPET - бұл маңызды, шешуші емтихан, мұнда математика және сыни тұрғыдан тест тапсыру қажет. Бұл тестке екі ай шамасында дайындалып, қалаған деңгейдегі балл жинадым. Осы емтиханның арқасында математика мен геометрия пәнін ағылшынша оқып, өз білімімді одан әрі шыңдадым. Әрине бұл 1,5 жылға созылған дайындығым оң нәтиже бергеніне қуаныштымын. Осы жолда менен көмегін аямай, мені ынталандырған досыма, анама, мұғалімдеріме рахметімді айтамын» деп өз сөзін қорытындылады Айбек. Алдына қойған мақсатқа жету жолында, аянбай тер төккен оқушымызбен барлығымыз мақтанамыз, жетістігіне қуанамыз.

Назарбаев университетінің болашақ студенті атануыңмен құттықтаймыз!