24 мамыр №41 мектеп-лицейімізде «Бақытты елдің білімді ұрпақтары» салтанатты іс-шарасы ұйымдастырылды. Аталмыш шараға 6,7,8,10 сынып оқушылары қамтылып, оқу жетістіктері бойынша марапатталды. Сондай-ақ, қоғамдық жұмыстарға белсене араласып, мектеп-лицейімізді қала, облыс, республика көлемінде танытуда өз үлестерін қосып жүрген білімді де, дарынды, өнерлі де, талантты шәкірттерімізді қолдау мақсатында көшбасшы оқушыларымызға марапаттар берілді. Салтанатты іс-шарамыз мектеп-лицейіміздің әнұранымен басталып, талантты оқушыларымыздың әнімен ұласты.
2021-2022 оқу жылы қорытындысы бойынша оқу - тәрбие үрдісін ұтымды ұйымдастырып, оқушы қабілеті мен танымын дамытуда бірізді жұмыстанып, шығармашылығымен танылған Мукатаева Лиза Сансызбаевнаға «Үздік сынып жетекші» номинациясы табысталды.
2021-2022 оқу жылы қорытындысы бойынша оқу мен тәрбие үдерісінде ұжымдық белсенділік танытқаны үшін Үздік сынып номинациясымен 10а сыныбы марапатталды.
Шара соңында жазғы демалыс кезінде балалар мен жасөспірімдерді жол-көлік оқиғаларынан сақтандыру, жол-көлік жарақатын болдырмау мәселелеріне де көңіл бөлініп, жазғы демалыс кезіндегі оқушылардың қауіпсіздіне ерекше назар аударту мақсатында «Шапағат» жол қозғалыс инспекторлары үгіт-насихат жұмыстарын жүргізді.
Бүгінгі жас - ертеңгі елдің мызғымас тірегі, келешек келбеті. Еліміздің ертеңі үшін оқу оқып, білім игеру, тәуелсіз мемелекетімізді гүлдендіру жас ұрпақтың еншісінде!
