Қала сыртындағы Атамекен БЖТжЭО жанындағы «Мирас» күркелі лагеріне 1-5 маусым аралығында мектеп-лицейіміздің 28 оқушысы барып, демалыс уақыттарын сәтті өткізіп қайтты.

Жасөспірімдер мен балалардың жаз мезгілінде денсаулықтарының сауықтырылып, өмірлерінің қауіпсіздігін қамтамасыз етіп, шығармашылығын дамытып өсіру -бүгінгі күннің басты мақсаты. Осы бағытта күркелі лагерь жанында балаларға эстафеталық ойындар, спорттық ойындар, табиғат аясындағы демалыс, экология сабағынан шеберлік сыныптар, сайыстар жоспарланған, оқушыларымыз осы қызықты сәттермен бөлісіп, демалыс күндерін жақсы өткізіп қайтты.