22 қыркүйекте өткізілген шараның мақсаты елтану материалдарын меңгерту, соның ішінде жуық арада өмірден өткен Ұлыбритания тарихындағы ең ұзақ билік еткен монархы, Ұлыбритания патшайымы болған II Елизавет туралы мағлұмат беру.

Шараның кіріспе бөлімінде қатысушылардың Ұлыбритания туралы не білетіндерін еске түсіру мақсатында тест түрінде тапсырма орындалды.

9 а сынып оқушылары Жаншина Ясмина “Royal baby”, Қубайдуллина Әсем “Our Lady Divine” өлең жолдарын оқыды.

Негізгі бөлімде ІI Елизаветтің балалық шағы,  жас леди, жас ханшайым жанұялық өмірі туралы қысқа бейнебаяндар және фильмдер көрсетілді. Бейне материалдарды мұғалімдердің кеңесіне сүйене отырып, оқушылар өздері дайындады, 9 а сынып оқушылары Махан Сабина, Қанатқызы Арулананың М.Мәметова мұражайында түсірген фильмі сәтті шықты. Қорытынды бөлімінде II Елизаветтің 1926-2022 жылдар арасындағы бейне суреттері жинақталған бейнебаянды көрумен аяқталды.