2022 жылдың 1 қазан күні – Х.Бөкеева атындағы қазақ драма театрында Орал қаласындағы физика-математика бағытындағы «Назарбаев Зияткерлік мектебі» дербес білім беру ұйымының және Педагогикалық шеберлік орталығы филиалының «Шеберлік. Ізденіс. Инновация. Патриотизм» тақырыбында 10 жылдық мерейтойы аталып өтілді. Шараға аталған ұжым мұғалімдері мен оқушылары, ПШО тренерлері, БҚО білім басқармасы мен аудандық білім беру ұйымдарының басшылары, қала мектептерінің көшбасшы директорлары мен ұстаздары және шақырылған қонақтар қатысты.

Мерейтойда оқушылар, ұстаздар, серіктестер білім беру саласындағы жаңа идеялары мен шығармашылық жетістіктері үшін «Үздік оқушы», «Үздік педагог», «Үздік менеджер», «Үздік тренер» номинацияларымен марапатталды.
Соның бірі әріптесіміз, лицейіміздің тарих пәні мұғалімі, тарих пәні бойынша педагогикалық шеберлік орталығының тартылған тренері Эльмира Орынбасарқызы Орынбасарова «Үздік тренер» номинациясымен марапатталды. Э.Орынбасарқызы 2016 жылдан бері Қазақстан тарихы мен Дүниежүзі тарихы пәндері бойынша «Бағалауға арналған тапсырмаларды әзірлеу және сараптау», «Тарих пәнінен пәндік құзіреттілікті дамыту», «Мектептегі тарих сабағы: басымдықтар және жетілдіру стратегиялары» тақырыптарында біліктілікті арттыру бағдарламасы бойынша бірнеше курстарды сәтті аяқтаған болатын. Әріптесімізді құттықтаймыз!