Жас ұрпақтың жарқын болашағына жұлдызды жол салатын, құзіретті тұлға, ол – ұстаз! Мұғалім ісі сырттай қарапайым болғанмен – тарихтағы ең ұлы істің бірі. Кешіміздің мақсаты ұжымымыз жыл сайын жаңарып, жас ұстаздармен толығып отырғандықтан, еңбегінің жеңісі мен жемісін тең көрген ардагер ұстаздарымыздың қызметтік жолына шолу жасап, жас мамандарға сабақ боларлық өмірлік тәжірибелерімен бөлісу.

Кеш қонақтары, алтын ұямызда табандай 20 жыл басшылық етіп, өзінің талапшылдығымен, көшбасшылығымен, даналығымен ұжымды ұйыта білген, бірегей басшы Валиса Кұжатқызы, сондай-ақ білім беруде қажырлы еңбегімен таныла білген пән мұғалімдері болды. Танымдық кешімізге 14 зейнеткер ұстаздарымыз келіп, сүбелі сұхбаттарымен бөлісті. Кеш барысында оқушыларымыздың ыстық ықыластары жолданып, өнерлері де тарту етілді. Ардагер ұстаздар жас мамандарға оң кеңес беріп, ұстаздар арасындағы ұжымаралық сабақтастықтың сақталғандығына ризашылықтарын білдірді.