«Орал қаласының мәдениет және тілдерді дамыту бөлімінің Жастар мәдениет сарайы» дарынды балалардың есімдерін елге таныту негізінде дәстүрлі «Балдәурен» балалар шығармашылық фестивалін өткізді.

Балалардың шығармашылыққа деген талпынысын арттыру, олардың дамуына қолдау көрсету, дәстүрлі ән мен ұлттық күйді дәріптеп, би өнерінің кең ауқымды өрбуіне ат салысу, өскелең ұрпаққа рухани байлығымызды дәріптеу, жастардың эстетикалық талғамын қалыптастыру, ізгілік пен адамгершілікке баулу, ұлтымыздың мәдениет саласындағы жетістіктерін насихаттау мақсатында қалалық «Балдәурен» шығармашылық фестивалі өтті. Мектебіміздің атынан қатысқан оқушымыз Меңдібай Нұрислам «Эстрадалық вокал» номинациясы бойынша жүлделі ІІІ орынға ие болды. Жетекшісі Турегалиева Ардак Аубакировна. Оқушымызды және пән мұғалімін жеткен жетістігімен құттықтаймыз!