БҚО әкімдігі білім басқармасының Орал қаласы білім беру бөлімінің «Мектептен тыс жұмыс орталығы» және «Жас сарбаз» жасөспірімдер әскери-патриоттық қозғалысы» Республикалық қоғамдық бірлестігі БҚО филиалы базасында «Айбын 2023» әскери-патриоттық жастар жиыны өткізілді.

Жастар арасында әскери-патриоттық жұмыстарды жетілдіру, Батыс Қазақстан облысында әскери-патриоттық тәрбиені дамыту, Қазақстан Республикасы Қарулы Күштерінің мәртебесін көтеру және әскери қызметті насихаттау, жастардың сұранысына ие цифрлық технологиялармен байланысты әскери-патриоттық тәрбиенің жаңа нысандарын әзірлеу, өскелең ұрпақтың бойында ел азаматының жоғары патриоттық сезімдері мен адамгершілік қасиеттерін қалыптастыру мақсатында 14-17 жас аралығындағы жасөспірімдерге әскери жиын өткізілді. Мектебіміздің атынан қатысқан оқушыларымыз «Әскери - қолданбады спорт түрлері бойынша жеке қорғаныш құралдарын кию»  Асқар Аңсар І орын,  «АК-74 автоматын бөлшектеу және жинау» Абай Алина ІІ орын, «Кермеге тартылу» командалық ІІ орын, «АК-74 автоматын бөлшектеу жинау» командылық ІІІ орын, «Жеке қорғаныш құралын кию» командалық ІІІ орын иеленді.  Жетекшісі Насибуллинов Ербол Насибуллинович. Жеңімпаздарды және жетекшісін жетістіктерімен құттықтаймыз.