17 сәуір күні - химия, биология және география пәні апталығының ашылу салтанаты өткізілді.

Оқушылардың білім алуға қызығушылығын арттыру, ой- өрісі мен таным белсендіктерін жан-жақты жетілдіру мақсатына негізделген шараға ұстаздар мен оқушылар белсенді қатысты. Мектептің сап жиынында тақырыпқа сай танымжорық ретінде  саяхатшылар  картамен жүру бағытын анықтау арқылы жануарлар әлеміне тап болса, одан әрі химиялық қызықты тәжірибелерді бақылағаннан кейін олар жаратылыстану пәндері апталығының басталғанын баршаға хабардар етті.

Апталықтың  барысында оқушылардың зерттеушілік ойлау қабілеттерін дамытып, химия, биология, география пәндерінен алған білімдерін өмірде қолдану үшін «Ақылды үзіліс» - қоңырауды тиімді пайдалану мақсатында әр пән бойынша зияткерлік шаралар, мәдени – танымдық акциялар, виртуалды зертханалар мен саяхаттар бастау алатын болады.

Мектеп-лицейіміздің шәкірттерін жаратылыстану пәндері апталығына белсенділікпен қатысуға шақырамыз!