2023 жылдың 24 сәуірінде «Ұлы елдің ұрпағы – ұлық, тілі – азат» тақырыбындағы қазақ тілі мен әдебиеті пәні апталығының ашылу салтанаты оздырылды

Апталықтың ашылу салтанаты Этноауылдағы көрініс форматында ұйымдастырылды. Ұлттық ән мен күй, жыр мен дәстүр дәріптелген мерекелік шараға ұстаздар мен оқушылар белсенді қатысты.

Шараның шымылдығы «Шашу» биімен ашылып, қонақтардың құрметіне тәттілерден шашу шашылды. Күмбірлеген күй, әсем әнмен өрнектелген шарадағы Қыз бен жігіт айтысы, Асық ату, Арқан тартыс көріністері де көпшіліктің назарын аударды. Ұлттық құндылықтар ұлықталған мерекелік шара әсем әнмен аяқталды.