Қалалық жас мамандар арасында семинар ұйымдастырылды.

Жас мамандарға қолдау көрсету, олардың кәсіби тұрғыдан табысты болуына бағдар беру мақсатында «Ғылыми ізденіс. Зерттеу Саралау. Нәтиже» тақырыбында қалалық жас мамандар семинары оздырылды. Семинар барысында қазақ тілі мен әдебиеті пәні мұғалімі Беккужиева С.А. жас мамандарға теориялық тұрғыдан ақпарат берді. 2-бөлімінде жас мамандар өздері берілген тақырыптар аясында ғылыми жоба құрап, қорғады. Содан кейін мектебіміздің облыстық, республика көлемінде жүлде алып жүрген оқушылары ғылыми жобаларын таныстырды.
Сонымен қатар қазақ тілі мен әдебиеті пәнінің мұғалімі Куанышкалиева Г.Е. жас мамандарға серпіліс, демалыс сыйлау мақсатында «Поэзия менің жүрегімде» атты әдеби кеш ұйымдастырды. Семинар соңында жас мамандар әдеби кафеде кері байланыс жасады. Семинарға мектебіміздің жас мамандары да белсене қатысты.