🎉Жас ұрпақты білім жолына салып, түзу жолдан тайдырмай, санаға сәуле шашар білімнің тізгінін ұстату ортақ міндет. Осы ретте жақсы білім мен тағылымды тәрбиені ұрпақ бойына сіңіруде мектептің алар орны ерекше.

🎉Бүгін мектеп бітіруші түлектер үшін маңызды күн. 2023 жылдың 22 маусымында мектебімізде мектеп бітіруші түлектеріне арналған «Қош бол, ұстаз, алтын ұя мектебім!» атты салтанатты жиыны өткізілді. Салтанатты жиын барысында мектеп директоры Даумова А.М. ата-аналарға, жаңа өмірге қадам басқалы отырған мектеп бітіруші түлектерге жылы лебізін білдіріп, аттестаттарын табыстады.

🎉Салтанатты жиында ата-аналар ақ тілектері білдіріп, мектеп ұжымына алғыстарын айтты. Түлектеріміз алдағы өмір жолында таңдаған оқу орнына түсіп, еліміздің игілігі үшін жұмыс жасап, Отанымыз- Қазақстанның көк байрағын асқақтатар азамат мен азаматшасы болуына тілектеспіз!