5 қазан - Халықаралық ұстаздар күні мерекесіне орай мектеп-лицейімізде 11-сынып оқушылары мен сынып жетекшілері Эльмира Ақылбекқызы мен Гүлжамал Нұржанқызының ұйымдастыруымен “Ұстаз болу - жүректің батырлығы” атты мерекелік концерті өтті.

Концертте 11 сынып оқушылары ән салып, би билеп, көрініс қойса, мектеп-лицей табалдырығын алғаш аттаған 5-сынып оқушылары әннен шашу шашып, “Балауса” би тобы мың бұрала биледі. Кешімізге ардагер ұстаздар да қатынасып, ұжымға алғыстарын білдірді.