№41мектеп-лицейінде 14-23 қараша аралығында «Кітап сыйла» акциясы өткізілді.

2023 жылдың 14-23 қараша күндері №41 мектеп-лицейінде «Біртұтас тәрбие бағдарламасын» іске асыру бойынша «Оқуға құштар мектеп» жобасы аясында өзін-өзі басқару ұйымы оқушыларының ұйымдастыруымен «Кітап сыйла» акциясы өткізілді. Акция барысында оқушыларға мектеп үшін үлкен сыйлық – кітаптар сыйлаудың маңызы түсіндіріліп, игілікті іске үлес қосу – сауапты іс екендігі айтылды. Қай заманда болмасын, адамзат алдында тұрған ұлы мұрат-міндеттердің ең бастысы – салауатты, саналы ұрпақ тәрбиелеу. Жас ұрпақтың өскелең талабын қанағаттандыруда, рухани байлығын, жалпы ой-өрісін дамытуда, жоғары эстетикалық талап-талғамын қалыптастыруда ең үлкен де ұлы тәрбие құралы – кітап. Кітап оқу арқылы адам рухани дами түсетіндігі, «Әдебиет әлемінде» бұрышын әдебиеттермен толықтырып, оқырман мен кітап арасын нығайтудың маңызы сөз болды. Сонымен қатар, тарту етілген кітаптарды оқушылар оқып шығуға, сонымен қатар акцияға белсене қатысқан оқушыларымызға алғыс білдіреміз!