«Біртұтас тәрбие бағдарламасын» іске асыру бойынша №41 мектеп-лицейінде Шәкәрім Құдайбердіұлының туғанына 165 жыл толуына орай мектепішілік «Шәкәрім оқулары -2023» байқауы өткізілді.

Мектеп-лицейіміздің 7-8 сыныптары арасында оздырылған «Шәкәрім оқулары-2023» байқауына барлығы 15 оқушы қатысты. Байқау екі кезеңнен тұрды. Бірінші кезеңде оқушылар Ш.Құдайбердіұлының 1 өлеңін жатқа мәнерлеп оқыды. Екінші кезеңде оқушыларымыз ұяшықтар таңдап, сол ұяшық бойынша берілген сұрақтарға жауап берді. Байқау қорытындысы бойынша өлеңді нақышына келтіріп, мәнерлеп оқып, бас жүлдені – 8 «б» сынып оқушысы Берикова Айым, І орын – 7 «б» сынып оқушысы Темірғали Кәмшат, ІІ орын – 8 «а» сынып оқушысы Бахит Гүлім, ІІІ орын – 8 «б» сынып оқушысы Серік Жанерке, Алғыс хат- 8 «б» сынып оқушысы Сағынтай Ислам иеленді.