18 қаңтар күні «Ұлағатты ұстаз-шәкірт мерейі» атты математиктермен кездесу өткізілді.

Мақсаты: Аға буын өкілдерінің еңбегі мен мол тәжірибесін насихаттау, олардың өнегелі өмір жолдарын өскелең ұрпаққа үлгіетіп, жастардың нақты ғылымға деген құлшынысын арттыру.
Кездесу мектеп-лицейіміздің 10-11 сынып оқушыларымен қатар түрлі олимпиадалар мен сайыстарда топ жарып жүрген оқушыларымызға арналды. Кешке арнайы облысымызға, республикамызға белгілі математик, бірнеше еңбектердің авторы Ә.Қ. Әлсейітов пен мектебімізде ұзақ жылдар бойы математика пәні мұғалімі қызметін атқарған, мектеп-лицейіміздің абыройын асқақтатып, шәкірттерін математикалық біліммен сусындатқан ардагер ұстазымыз Г.Х. Хусаинова шақырылды. Кездесу барысында ұстаздық жолға қалай келгенін және қазақ математикасының өткені мен болашағы туралы айтып берді. Оқушылардың ҰБТ, сайыстарға дайындығы жөнінде қойған сұрақтарына жауап беріп, алдағы өмірлеріне сәттілік тіледі.