16 қазан мектеп-лицейіміздің ауласынан Спорт алаңы ашылды. Алаңның ашылу салтанатына қалалық білім беру бөлімінің әдіскері Қуанғалиев Тарас Ғайсаұлы мен Ақжайық клубының капитаны Омаров Бауыржан Нұрланұлы қатысты және ата-аналар, мұғалімдер, 5,7 сынып оқушылары қатысты.

Ашылу салтанатында Тарас Ғайсаұлы құттықтау сөзін арнаса, Бауыржан Нұрланұлы қалалық білім беру бөлімінің ұйымдастыруымен қазан айының 7-11 күндері аралығында ұйымдастырылған Ұлттық мектеп лигасы бағдарламасы бойынша 7-8 сыныптар арасынан Футбол ойынынан қалалық кезеңде ІІ орынға ие мектеп-лицейіміздің футбол командасына медальдарын табыстады. Шара барысында «Балауса» би тобы ұлттық билерін билеп, 5-сынып оқушылары «Қазақстаным» әнін, өнерлі оқушымыз Жаскелең Сайд «Атамекен» әнін орындады. 5-6 сынып оқушылары флешмоб биін тарту етті. Шараның жалғасы 5-сынып ер балалары арасындағы футбол ойынына ұласты.
Спорт-денсаулық кепілі, әр адамның денсаулыққа аса мән беруі де жауапкершілікті қажет етеді. Болашақ ұрпаққа салауатты өмір салтын ұстануға жағдай жасау - бүгінгі күннің міндеті. Игілікті іс жаңа бастамаларға жол ашсын.