13 қаңтар күні «Кемел елдің кемеңгер ұрпағы» атты қазақ тілі мен әдебиеті апталығының ашылуы өтті.

Мақсаты: патриоттық рухы биік, саналы ұрпақ тәрбиелеу, Отанға деген, тіліне деген махаббатын жетілдіру, ұлттық сана мен мәдениет тоғысындағы бірлігін нығайту, қыз бала тәрбиесін дамыту арқылы әсемдікке үйрету, пән бойынша өнерлі, білімді оқушылардың қабілеттерін шыңдау, жеңімпаздарды марапаттау арқылы жүректерне сенім ұялату, өзгеге үлгі ету.
13 қантар күні таңертен «Кемел елдің кемеңгер ұрпағы» атты қазақ тілі мен әдебиеті апталығының ашылуы оқушылар мен мұғалімдерге бауырсақ тарату арқылы мектеп-лицейде жағымды ахуал туғызып, көңіл күйлерін көтеруден басталды. Ұзақ қоңырау барысында 5-сынып оқушылары «ана тілі - жүректің терең сырларын, басынан кешкен дәуірлерін, жанның барлық толқындарын ұрпақтан ұрпаққа жеткізіп, сақтап отыратын қазына екенін айтса, қазақ тілі мен әдебиеті пәні мұғалімдері атаулы күндердің иелері Абай Құнанбаевтың өлеңін, қара сөзін, Қадыр Мырза Әлидің, Жұбан Молдағалиевтың өлеңдерін нақышына келтіріп, мәнерлеп оқу арқылы мектеп-лицей оқушыларына ерекше әсер берді. Шара соңын 6-сынып оқушылары «Жаса, қазағым» әнімен аяқтады.