1 маусым Балаларды қорғау күні мерекесіне орай Қазақстан Республикасының Тұңғыш Президенті Н.Ә. Назарбаев атындағы алаңда «Оқуға құштар мектеп» жобасы аясында қала мектептерінің білім алушыларына арналған «Ашық аспан астындағы мектеп кітапханалары» акциясы оздырылды.

Мектеп-лицейіміздің жас оқырмандары ОPEN AIR бағдарламасы форматында өткен «Ашық аспан астындағы мектеп кітапханалары» акциясына белсене қатысты. Аталмыш акцияны ұйымдастырушы қалалық білім беру бөлімі жазғы мектеп кезеңінде «READ x» жобасы бойынша көркем әдебиеттерді оқуды ұсынды. «Ашық аспан астындағы мектеп кітапханаларының калейдоскобы» тақырыбында кітап көрмесі ұйымдастырылып, оқушыларға кеңінен таныстырылды.