2017 жылдың 19 маусымында Батыс Қазақстан облысы білім басқармасының №523 бұйрығымен «Дарын» қосымша білім орталығының жанынан облыс оқушыларының зияткерлік қабілеттерін анықтау және оны дамыту мақсатында математика және физика пәні бойынша Олимпиада резерві мектебі ашылған болатын.
Мектепте оқумен бірге жүргізілген қорытынды бақылаулар, олимпиадалар нәтижесінде 22 оқушы ағымдағы жылдың 15 маусым күні Батыс Қазақстан облысы білім басқармасының қосымша орталығының базасында Облыстық олимпиада резерві бітіргендігі туралы сертификаттарын қолдарына алды.
Сертификат иегерлерінің ішінде мектебіміздің 2 оқушысы бар. Олар: 10-сынып оқушылары Қадырболат Ринат пен Каташев Даурен. 4 жыл ішінде сессияаралық кезеңдерді сәтті аяқтап, әртүрлі облыстық, республикалық, халықаралық байқаулардың, облыстық олимпиадалардың жүлдегерлері атанды.
Қадырболат Ринат
- Математика пәнінен облыстық «Ақ желкен» регатасының ІІІ- орын, 2018 жыл; ІІ- орын, 2017 жыл;
- Математика пәнінен облыстық А.Тайманов атындағы олимпиадасы ІІ - орын, 2019 жыл;
- Математика пәнінен халықаралық Әл-Фараби қашықтан олимпидасы ІІІ - орын, 2020 жыл;
- Математика пәнінен облыстық А.Тайманов атындағы олимпиадасы ІІІ - орын, 2020 жыл;
- Математика пәнінен Республикалық олимпиаданың облыстық кезеңі ІІІ- орын, 2020 жыл;
- Республикалық ғылыми жобалар конкурсы ІІІ - орын, 2021 жыл;
- Математика пәнінен Республикалық олимпиаданың облыстық кезеңі Алғыс хат 2021 жыл;
- Орал қаласы әкімінің Алғыс хаты, 2020 жыл; 2021 жыл.
Каташев Даурен
- Математика пәнінен облыстық «Ақ желкен» регатасы - ІІІ орын, 2018 жыл; ІІ орын, 2017 жыл;
- Математика, физика, география, биология пәндері бойынша мектеп оқушылары арасында өткен «Білетінім-9, білмейтінім-99» атты облыстық қашықтық зияткерлік сайысы- І орын, 2020 жыл;
- Математика пәнінен Әл-Фараби қашықтан олимпиадасы ІІІ- орын, 2020 жыл;
- БҚО әкімінің Алғыс хаты, 2020 жыл;
Жетекшісі математика пәні мұғалімі Капашева Гулжамал Нуржановна облыстық білім басқармасының алғыс хатымен марапатталып, оқушыларға «Дарын» қосымша білім беру орталығының сертификаты және облыстық білім басқармасының арнайы дипломдары мен сыйлықтары табыс етілді. Салтанатты жиынның соңында оқушылар Олимпиада резерві мектебінің «Жайық дарыны» атты тақтаға өз есімдерін қалдырып, раушан гүлдерін отырғызды.
