Жаңа 2021-2022 оқу жылы дәстүрлі форматта басталды. 22 сыныпта «Тәуелсіздік жетістіктері» тақырыбында ашық сынып сағаттары өткізіліп, оқушылар мен ұстаздар жаңа оқу жылына қадам басты.

Мектеп-лицейімізге «Білім күнінің» басталуымен құттықтап Орал қаласының «Мәдениет және тілдерді дамыту» бөлімінің басшысы Кайрлиев Серик Ерболатович келді. Серік Ерболатович болашақ мектеп түлектері – 11-сынып оқушыларымен жүздесіп, «Білім күнімен» құттықтап, оқу мен өмірде табыстар тіледі.

Орал қаласы полиция басқармасының «Кәмелетке толмағандар істері жөніндегі» учаскелік полиция  инспекторы, лейтенант Мухитова Венера Биржановна 5-11 сыныптарда балалардың қауіпсіздігі жөнінде әңгімелесу жүргізіп, оқушылармен сұхбаттасты.

Ашық сынып сағаттарында Егемен еліміздің даңғыл жолы мен 30 жылдағы елеулі оқиғалар мен келелі жетістіктер жөнінде айтылып, оқушылар сынып сағаттарына белсене қатысты.