Мектеп-лицейіміздің айрықша белгісі - төсбелгісі. №41 мектеп-лицейінің жаңа төсбелгісі лицейдің айрықша бейнесіне айналады.

«Біздің бренд» жобасы аясында 2021 жылдың 20 қазанында мектеп-лицейіміздің белгісі ретінде жаңа төсбелгі енгізілді. Төсбелгі жоғары талғаммен жасалынды. Төсбелгіні дайындауда ұстаздар ұжымы мен оқушылар комитетінің пікірлері ескерілді.

Төсбелгіде оқушыларымыз бір шаңырақтың астында бірлікте, татулықта болып, білімдерімен Қазақстанға, әлемге танылатындай тұлға болсын деген мақсатта шаңырақ, Қазақстан картасы және оқулық суреттелген. Ал, мектеп-лицейіміздің номері картада Батыс Қазақстан облысының аймағында орналасып, тұрғылықты жерімізді көрсетіп тұр.

Алдағы уақытта төсбелгі мектеп-лицейіміздің негізгі атрибуттарының біріне айналып, лицейдің әр шәкіртінің кеудесінде жарқырайтын болады.