28-қазан күні Орал қаласының білім беру бөлімінің «Оқушылар сарайында» облыстық  «Елбасы медалі» жобасының қола медаль иегерлерін марапаттау шарасы өтті.

«Елбасы медалі» - жастарды кешенді дамытуға бағытталған ұлттық деңгейдегі жалғыз бағдарлама. Ол 7 негізгі бағыттан тұрады: спорт, таланттар мен дағдылар, кітап оқу, Ұлттық мұра, волонтерлік, экспедициялар мен жорықтар, еңбек практикасы. Бағдарламаға 14-29 жас аралығындағы қазақстандықтар қатысады.

Облысымыздан «Елбасы медалі» жобасында 16 оқушы қола медаль иегерлері атанды. №41 мектеп-лицейіміздің 11-сынып оқушысы Капушева Гульназ қажырлы еңбегімен, ұшқыр ойының нәтижесінде «Елбасы медалі» жобасының қола медаліне қол жеткізді. Гульназды жеңісімен құттықтай отыра, алдағы жоспарларына тек сәттілік тілейміз!