17 қараша күні – ағылшын тілі пәндері бірлестігінің апталығы кезінде  8-ші «а,ә,б» оқушыларының қатысуымен ағылшын тілінде «Батыл бол» тақырыбында аукцион өтті.

Бұл сайыстың мақсаты- оқушылардың өткен материал бойынша білімдерін бекіту, тез және шапшаң ойлауға үйрету, пәнге деген қызығушылықтарын арттыру, ағылшын тілін құрметтеуге үйрету және сол тілде еркін сөйлеуге дағдыландыру, сөздік қорын молайту.

Сайыста оқушылар 3 топқа бөлініп, ұрандарын таныстырды.Сайыс үш тақырыптан: грамматика , лексика және  жазушылардың қанатты сөздерінен  тұрды. Жүргізуші текшені лақтыру арқылы тақырыпты ашты. Әр тақырыпта  5 сұрақтан қойылды. Аукцион шарты - оқушылар әр сұрақтың бағасын көтеріп, сатып алу керек болатын, оқушылар  қызығушылықпен қатысты.  Әділқазы алқасы сайланып, әр топтың жинаған ақшасын  (фунтын) санады.

Нәтижесінде 8 «б» сыныбы - I орынға, 8 «а» сыныбы - II орынға, ал 8 «ә» сыныбы - III  орынға ие болды. Шараны  ағылшын тілі пәнінің мұғалімі Сисенова Айнур Уахитовна өткізді.  Қатысушыларға сыйлықтар берілді.