ҚР-ның Тәуелсіздігінің 30 жылдығына орайлас 16 желтоқсан Тәуелсіздік мерекесіне арналған 8-10 сыныптардың тәрбие сағаттары мектеп-лицейімізде жоспарлы түрде өткізілді.

Мақсаты:

• Қаншама құрбандықпен қол жеткен тәуелсіздігімізді құрметтей, қастерлей білуге тәрбиелеу, Қазақстанның келешегі үшін аянбай еңбек етуге шақыру;
• Тәуелсіз Қазақстанның 30 жыл ішіндегі қол жеткен жетістіктерімен таныстыру;
• Оқушыларды отаншылдыққа, ұлтжандылыққа, туған жеріне, атамекеніне деген сүйіспеншіліктерін арттыруға дұрыс бағыт-бағдар беру, өз елінің тарихын сыйлауға үйрету, оқушыларды патриоттық рухта тәрбиелеу. 

Оқушыларға қазақ халқының тәуелсіздік жолындағы ерлік күресі мен ғасырлар  бойы басынан өткен қиыншылықтарын айта келіп,  осы қиын жылдары елінің азаттығын, еркіндікті аңсаған ұлт зиялылары туралы баяндалды. Тәрбие сағаттары: Тәуелсіз ел- Қазақстан, Тәуелсіздік жолында күрескен тұлғалар,тарихи оқиғалар тізбесі, Тәуелсіздік алғаннан кейінгі қол жеткізген жетістіктер мазмұндарын қамтыды. Осы мазмұн тақырыптары аясында оқушылар бір-бірімен пікір алмасып, топтық, шығармашылық жұмыстар орындады. Тәрбие сағаты барысында оқушылар патриоттық әндер орындап,биші қыздарымыз ұлттық нақыштағы билерін тарту етті.