15 желтоқсан  күні ҚР-ның Тәуелсіздігінің 30 жылдығына орай №41 мектеп-лицейінде тәуелсіздік құндылықтарын дәріптеуге, ұлықтауға арналған “Тәуелсіздік-ұрпаққа ұлы аманат” тақырыбындағы әдеби-сазды концертіміз өз мәресіне жетті. 

Концерт бағдарламасында Тәуелсіздіктің 30 жылдығын дәріптеп, еліміздің даму тарихын кеңінен насихаттап, жетістігімізді көрерменге паш ете білдік.   Ұрпақ көзімен еліміздің ертеңіне сеніммен қарап, оқушыларымыз өнерлерін тарту етті.  

Тақырыптық бейнебаян, сахналық қойылым, ән, күй, терме, мәнерлеп оқу, жетіген сазы мазмұнды орындалып, көрермен ықыласына бөленді.