2022 жылдың 28 қаңтар күні қазақ тілі мен пән апталығының жабылу салтанаты жұлдыздар шеруі түрінде оздырылды. Мақсаты: қазақ тілі мен әдебиеті бойынша әртүрлі деңгейдегі байқауларда, пәндік білім додаларында үздік нәтижеге қол жеткізген оқушыларды марапаттау, қолдау көрсету. 

 Шеру барысында апталық аясында оздырылған «Бұрымдылар» фотобайқауының үздіктерін марапаттап, Меңдібай Нұрислам, Ауғанова Ботагөз әсем әнмен, Таңбай Еркебұлан күмбірлеген күймен өрнектеді. Сондай-ақ көркем сөз шебері Биғали Гүлназ өз өнерін тарту етті. Шеру соңында пән бойынша үздіктер марапатталып, дипломдар мен «Тіл жанашыры» арнайы статуэткалары табысталды.