1-2 ақпан күндері мектеп-лицейіміздің ұстаздары мен оқушыларының арасында «Өзіңнен баста!» атты тәртіпсіздік пен құқық бұзушылыққа жол бермеу қағидаттарын қалыптастыру  аясында баскетбол мен волейболдан спорттық турнир өтті. Шараның негізгі мақсаты: жасөспірімдер арасында құқық бұзушылықтың алдын-алу, салауатты өмір салтын ұстауға насихаттау.

Әнұранмен басталған шараға 4 команда қатысып, қызықты да, тартысты бәсекеге толы ойын көрсетті. Ұстаздар мен оқушылар жарыстың алғашқы күнінде өзара бақ сынасып, оза шапқан, кіл мықтылары көзге түсті. Алғашқы күні өткен баскетбол жарсыныан І орынды «Конденсат» командасы, ІІ орынды «Ынтымақ», ІІІ орынды «Барыс» командасы қанжығаларына байлап, «Болашақ» командасы жеңіске деген жігерлік таныта білді. Ал, волейбол жарысынан сынға түскен командалар арасынан І орынды «Конденсат» командасы, ІІ орынды «Болашақ», ІІІ орынды «Ынтымақ» командасы иеленіп, жеңіс тұғырынан көрінді. Салауатты өмір салтын қалыптастырып, оқушылар арасында құқық бұзушылыққа жол бермеу туралы ықпал жасаған шараның аясында ұстаздар сайысқа қатысып, оларға үлгі бола білді. Жасөспірімдердің спортқа деген қызығушылығын арттырып, салауатты өмір салтын ұстауға бейімдеу, құқық бұзушылықтың алдын алу мақсатында осындай шаралар әлі де өз жалғасын табары анық.