№41 мектеп -лицейінде 8-наурыз мерекесіне орай мектеп - лицейіміздің директоры Жеңіс Меңдіғалиұлының ұсынысымен жүзеге асқан Қамқоршылық кеңесінің (https://41-mektep.edu.kz/mektep-turaly/kamkorshylyk-kenes) көлемді жобасы «Анама қуаныш сыйлаймын – 2022» марапаттау кеші өтті. Мақсаты: оқушылардың білімділік, тәрбиелік әлеуетін дамытуда ынталандыру жүйесін қалыптастыру; I, II оқу тоқсандары бойынша 5-6 сыныптар арасынан бір ұлмен, бір қыз баладан озат оқушыларды марапаттау.

Қазақта «Бұлақ көрсең, көзін аш» деген ұлағатты сөз бар. Мектеп-лицейімізде білім мен ғылым, өнер мен спортқа бейім, оқуда озат оқушыларымыз жетерлік. Алайда, 5-6 сынып арасынан оза шапқан үздік оқушыларымыз: 5а сыныбынан Ергалиева Аружан, Меңдібай Нурислам, 5ә сыныбынан Унгар Ерген, Досжан Айша, 5б сыныбынан Тахтахунов Мурат, Нариман Нұргүл, 6а сыныбынан Тайшурина Мадина, Амиров Ашим, 6ә сыныбынан Дамер Жанайым, Еділ Нұржан, 6б сыныбынан Бахитжан Нұрқуанышбек, Нурболат Биназир, 6в сыныбынан Серік Мансур.
Мереке қарсаңында үлгілі, озат оқушыларымыз аналарына жетістіктерімен қуаныш сыйлады. Оқушыларымыздың аналарына мектеп-лицей атынан Алғыс хат, Қамқоршылық кеңес атынан «бес мың теңге» көлемінде сертификат табысталды.
Оқушыларымызды үздіктердің үздігі болуларыңызбен құттықтаймыз! Сіздерге білім шырағын табыстай отырып, болашаққа сапалы біліммен биіктерге жетіп, мектеп абыройын асқақтатасыздар деп сенім білдіреміз! Бүгінгі сондай әдемі жарқырап тұрған шәкірттеріміздің талаптары ешқашан мұқалмасын, қанаттары ешқашан талмасын!
Марапат кезіндегі барлық фотоларды мына сілтеме арқылы өтіп, көруге болады. https://41-mektep.edu.kz/7-nauryz-2022-zhyl