№41 мектеп - лицейінде «Лицей аруы -2022» байқауы оздырылды. Мақсаты: ұлттық дәстүрімізді дәріптеп, қыз балалардың бойына имандылық, инабаттылық, ізеттілік, ісмерлік сынды ізгі қасиеттерді сіңіру, сұлулық әлеміне баулу. Халық тәрбиесіндегі ерекшеліктерді ескеріп, өнегелілікті бойына сіңіру.
Байқауға 9а сыныбынан «Темірхан Милана, 9ә сыныбынан Кенжеахметова Айдана және Рауанқызы Аида, 9б сыныбынан Амангалиева Адина, 10а сыныбынан Сағынтаева Аида, 10ә сыныбынан Нағым Нұрхализа қатысты. Байқау шарттарына тоқталсақ,
- «Мен қазақтың қызымын» - арулар бұл кезеңде өздерін таныстыру.
- «Қыз еркем, қылығымен көркем» - аруларымыз өз өнерлерін көрсету.
- «Қыз еркем, кестесімен көркем» - қатысушылар өздері жасаған қол өнер туындыларының жасалу сатысын видеоролик ретінде түсіріп, жасаған қол өнер туындыларын көпшілікке тарту ету.
- «Зерделінің ойы озық..» сұрақтар викторинасы.
- «Сұлулық сыры» дефилесі ұсынылды.
Осы аталған шарттардан кедергісіз, өте ұтымды шыға білген аруымыз 10 ә сыныбынан Нағым Нұрхализа «Бас жүлде» иегері атанды. Өзге аруларымызға номинация тағайындалды. Дегенмен, 10 а сыныбынан қатысқан Сағынтаева Аида, 9б сыныбынан қатысқан Амангалиева Адина ізденімпаздықтарымен, өнерлерімен ерекшеленді.
Байқау кешінде арулармыз бар өнерлерін ортаға салып, көрерменге керемет көңіл-күй сыйлады. Аруларымызға мектеп-лицей атынан марапат дипломдары, Қамқоршылық кеңес атынан номинация иегерлеріне «бес мың» көлемінде, «Бас жүлде» иегеріне «жиырма мың» көлеміндегі «MonAmie» компаниясының сертификаттарпы табысталды.
Ата-салтын дәріптеп, ана тәрбиесінің өнегесін өн бойына сақтар аруларымызды жетістіктерімен құттықтаймыз!
