2022 жылдың 13 сәуір күні «Оқушылар сарайы» базасында оқушылардың танымдық белсенділігін, зияткерлік деңгейін дамытуға негізделген «Bilim HIGH» телевизиялық жобасының қалалық кезеңі өтті. Білім бәйгесіне барлығы 9 команда 36 оқушы қатысып, өз бақтарын сынады. Ереже бойынша жеңімпаз команда облыстық кезеңіне жолдама алады.

«Bilim HIGH» телевизиялық жобасының қалалық кезеңі 3 іріктеу турынан тұрды: 1.Білім марафоны (Сұрақ-жауп), 2.Аламан (ұяшықтар таңдау арқылы ұпай жинау), 3.Бәйге (механизм ұсыну). Өздерінің білім ошақтары үшін табандылық көрсете отырып, мектеп бағдарламасынан бөлек оқушылардың зияткерлік ұшқырлығын шыңдайтын сайысқа бақ сынасып түскен №45 ЖОББМ, №27 МЛ, №30 ЖОББМ, №22 ЖОББМ, №44 МГ, №40 ЖОББМ, №37 ЖОББМ, №47 ЖОББМ мектеп командалары ұшқыр ой мен зеректігімен ерекшеленді. Ойын қорытындысы бойынша  лицейіміздің шәкірттері «Жаңа толқын»  командысын құрып үздіктердің үздігі атанды. Адилова Аружан, Аманжол Айым, Кенжегужина Асем 10-сынып оқушылары мен 9-сыныптан Өтешева Ділназды жеңіспен құттықтай отырып, облыстық кезеңде сәттілік тілейміз!