Психологиялық диагностика (зерттеу)

Мақсаты: тұлғаның жеке және жас ерекшелігін, сондай-ақ тұлғааралық өзара әрекет ерекшеліктерін зерттеу.

Психикалық жай-күйдегі өзіндік бағалау

Оқу мотивациясы

Темпераменті (холерик, сангвиник, флегматик, меланхолик)

Жасөспірімдегі мазасыздық деңгейін анықтау (стрес, депрессия, үрей, қобалжу)

Қызығушылық пен бейімділікті анықтау.

Интеллектуалдық ерекшелігінің деңгейі

Тұлғааралық қарым-қатынасты зерттеу

Тест: «Сіз кімсіз: жапалақсыз ба, бозторғайсыз ба?»

1. Сізге таңертең ерте тұру қиын ба?

а) иә-3

ә) кейде-1

б) сирек- 1

в) өте сирек-0

2. Егер сізде таңдау мүмкіндігі болса, қай уақытта ұйықтауға жатар едіңіз?

а) түнгі сағат 1-ден кейін - 3

ә) 23 сағат 30 минуттан түнгі 1 аралығы - 2

б) 23-тен 23.30-ға дейін - 1

в) 22-ге дейін - 0

3. Ұйқыдан оянғаннан кейін асты қалай ішкенді қалайсыз?

а) тоя - 3

ә) онша тоймай - 2

б) жеңіл- желпі - 1

в) бір шыны шәй немесе кофе - 0

4.Егер сіздің соңғы кездерде үйде немесе оқу орнында болған кикілжіңдеріңізді еске түсірсек, олар тәуеліктің қай мезгілінде болды?

а) түске дейін - 1

ә) түстен кейін - 0

5. Сіз неден жеңіл бас тарта аласыз?

а) таңғы шәй немесе кофеден - 2

ә) кешкі шәйдан - 0

6. Өзіңіздің тамақтанумен байланысты әдеттеріңізді қиналмай бұза аласыз ба?

а) өте жеңіл - 0

ә) біршама жеңіл - 1

б) қиын - 2

в) өзгеріссіз қалдырамын - 3

7. Егер таңнан маңызды істер күтіп тұрса, сіз қаншалықты дәл анықтай аласыз? Оны білу үшін біреудің көмегін сұраңыз.

а) 2- сағаттай бұрын - 3

ә) 1-2 сағатқа - 2

б) 1- сағаттан аз - 1

в) әдеттегідей - 0

8. Бір минутқа тең уақыт аралығын сіз қаншалықты дәл анықтай аласыз? Оны білу үшін біреудің көмегін сұраңыз.

а) бір минуттан аз - 0

ә) минуттан көп - 2

қорытынды: 0-7 ұпай- сіз «бозторғай»

8-13 ұпай- аралас тип

14-20 ұпай- «жапалақсыз»

Өзіңізді бақылай білесіз бе?

1,5,7 сұрақтарға «жоқ», қалғандарына «иә» деген жауап болса, өзіңізге бір балдан жазыңыз.Содан кейін барлық балды қосыңыз.Егер де шындап жауап берсеңіз, сіз туралы мынаны айтуға болады.:

0-3 балл:Сіздің коммуникативтік бақылауыңыз төмен және жағдайға байланысты оны сіз өзгерткіңіз келмейді.Қарым-қатынаста шын көңілмен ашыла аласыз.Кейбіреулер сіздің тік мінезіңізге қарап, қарым-қатынаста қолайсыз деп есептейді.

4-6 балл:Сіздің коммуникативтік бақылауыңыз орташа.Сіз ақкөңілсіз, бірақ өз сезіміңізді ұстай білесіз.Сіз қарым-қатынаста маңайдағы адамдармен көбірек санасасыз.

7-10 балл:Сіздің коммуникативті бақылауыңыз жоғары.Сіз жеңіл араласып кетесіз, жағдайлардың өзгеруіне байланысты икемділік көрсетесіз және маңайыңыздағыларға қандай әсер қалдыратыныңызды көре аласыз.

Қабілетіңіз қандай ?

Бұл тест басшылық жасау (оның ішінде шағын бизнеске де) тәжірибелеріне негізделіп жасалған.Жеті тармақтағы өзіме сай-ау деген бір қасиеті таңдап, жинаған ұпайыңызды есептеңіз. Өзіңіздің, немесе басшыңыздың мүмкіндігі мен қабілеті анықталады.

1. Бастамшылық (инициатива)

А) қосымша тапсырмалар күтеді;

Б) тапсырманы орындауға тапқыр, батыл;

В) басшылықтың нұсқауынсыз-ақ жұмысын тиянақты орындайды;

Г) нұсқау күтіп отырады.

2. Басқалармен қарым-қатынас

А) адамдармен достық қарым-қатынаста жүреді;

Б) қарым-қатынаста сыпайы;

В) кейде олармен жұмыс істеу қиын;

Г) қазымыр және аралас – құраласқа ебі жоқ.

3. Көш бастаушылық

А) қабілеті күшті, сенімділік пен бекемділікке көз жеткізе алады;

Б) тиімді бұйрықтар беруге шебер;

В) жетекші

Г) өз бетімен әрекет етпейді

4. Жауапкершілік

А) тапсырманы орындауда жауакершілік көрсетеді;

Б) тапсырманы құп алады, келіспейтін кезі де бар;

В) тапсырманы ықылассыз алады;

Г) кез келген тапсырмадан жалтаруға тырысады;

5. Ұйымдастыру қабілеті

А) сендіру қабілеті күшті, дәлелін логикалық қисынмен қиюластыра алады;

Б) қабілетті ұйымдастырушы;

В) орташа қабілеті бар ұйымдастырушы;

Г) қабілетсіз.

6. Шешімдік

А) жедел және дәл шешім қабылдайды;

Б) шешімді сақ әрі негіздеп қабылдайды;

В) жедел, бірақ жиі қателеседі;

Г) күмәншіл және қорқақ.

7.Табандылық

А) мақсаткер, қиындықтан қорықпайды;

Б) үнемі күш-жігер көрсетіп жүреді;

В) табандылық пен шешімділігі орта деңгейде;

Г) табандылығы тұрақсыз.

Ұпайлары: а-4, б-3, в-2, г-1.

25-28 ұпай- тамаша 21-24 - өте жақсы

17-20 - жақсы 13-16 – орташа

Психологиялық қызметтің мақсаты – оқушылардың психологиялық денсаулығын сақтау, қолайлы әлеуметтік – психологиялық жағдай жасау және білім беру үдерісіне қатысуларға психологиялық қолдау көрсету.

Психологиялық қызметтің міндеттері:

• оқушылардың тұлғалық және зияткерлік дамуына ықпал ету, өзін-өзі тәрбиелеу және өзін-өзі дамыту қабілетін қалыптастыру;
• ақпараттық қоғамның жылдам дамуында олардың табысты әлеуметтенуіне психологиялық тұрғыдан жәрдем көрсету
• психологиялық диагностиканы жүргізу және білім алушылардың шығармашылық әлеуметін дамыту;
• психологиялық қиыншылықтармен оқушылардың проблемаларын шешу бойынша психологиялық түзету жұмыстарын жүзеге асыру;
• оқушылардың психологиялық денсаулығын сақтау
• психологиялық проблемаларды шешуде және оқу тәрбие жұмыстарының қолайлы әдістерін таңдауда ата–аналар мен педагогтерге консултациялық көмек көрсету;
• білім беру үдерісі субектілерінің психологиялық – педагогикалық құзыреттілігін көтеру.

Психолог жұмысының негізгі бағыттары

1. Психологиялық профилактика.(алдын алу)

Мақсаты: тұлғаның психикалық және тұлғалық дамуында кездесетін сәтсіздіктерге ескерту жасау.

1. Психологиялық диагностика (зерттеу)

Мақсаты: тұлғаның жеке және жас ерекшелігін, сондай-ақ тұлғааралық өзара әрекет ерекшеліктерін зерттеу.

1. Психотүзету және дамыту.

Мақсаты: оқушының психикалық және тұлғалық дамуындағы ауытқуларды болдырмау, жалпы оқу бағдарламасымен біліктілікті дамыту.

1. Психологиялық консультация (кеңес)

Мақсаты: педагогикалық процесстің субьектілеріне кеңес беру.

1. Психологиялық білімді көтеру (ағарту)

Мақсаты: педагогикалық үрдіске қатысушылардың психологиялық мәдениетін көтеру.

Педагогикалық әдеп қағидалары "Білім туралы" 2007 жылғы 27 шілдедегі Қазақстан Республикасы Заңының және "Педагог мәртебесі туралы" 2019 жылғы 27 желтоқсандағы Қазақстан Республикасы Заңының ережелеріне сәйкес әзірленіп, сондай-ақ Қазақстан Республикасының жалпыға бірдей танылған адамгершілік қағидаттары мен нормаларына негізделген.

Педагогикалық әдеп білім беру ұйымдарының педагогтері басшылыққа алатын педагогикалық әдеп қағидаттары мен нормаларының жалпы жиынтығын білдіреді.

Педагогикалық әдеп ережелерін педагогтердің білуі және сақтауы олардың кәсіби қызметі мен еңбек тәртібі сапасын бағалау өлшемшарттарының бірі болып табылады.

Педагогикалық әдептің негізгі қағидаттары

Педагогикалық әдептің негізгі қағидаттары мыналар болып табылады:

1) адалдық:

педагогтің адалдығы олардың оқыту мен тәрбиелеу нәтижесіне, өз қызметіндегі түзетулерді жүзеге асыра білуіне, сынға және рефлексияға қабілетін дамытуға, білім алушылар мен тәрбиеленушілердің, олардың ата-аналарының (заңды өкілдерінің), әріптестерінің кез келген пікірі үшін ашықтығына жауапкершілігін білдіреді;

2) әділдік:

педагогтің әділдігі оның бағалау кызметінің ашықтығын, олардың құрған білім беру ортасының айқындылығын білдіреді. Әділдік педагогке білім алушылар мен тәрбиеленушілердің, олардың ата-аналарының (заңды өкілдерінің), әріптестерінің құқығын бұзуға тыйым салады;

3) жеке тұлғаның абыройын және қадір-қасиетін құрметтеу:

педагог өзінің кәсіби назарындағы объектілер болып табылатын білім алушылар мен тәрбиеленушілердің, олардың ата-аналарының (заңды өкілдерінің), адамдардың абыройы мен қадір-қасиетін құрметтейді, олармен қарым-қатынас жасауда әдепті болады. Ол баланың дамуын шынымен қалап, оған әрқашан көмектесуге дайын екендігін білдіріп, білім алушы мен тәрбиеленушінің жеке басының өсуіне ықпал ету мақсатында білім алушының жетістіктерін (жетіспеушілігін) бағалауда сыпайылықты қамтамасыз етеді.

Білім беру процесінің қатысушыларына қатысты күш көрсету, моральдық және психикалық қысым жасау әдістерін қолдануға жол бермейді;

4) патриотизм:

педагог өз Отаны - Қазақстан Республикасына, тарихына, дәстүрлеріне және тіліне адал және сүйіспеншілікпен қарайды. Қазақстан Республикасының мәдени және тарихи дәстүрлерін сақтайды, бұл қарым-қатынасты білім алушыларға береді.

5) жалпы адами құндылықтарды құрметтеу және төзімділік:

Педагог жалпы адами құндылықтардың басымдылығын мойындай отырып, әрбір ұлт мәдениетінің ерекшелігіне, құндылығына және қадір-қасиетіне құрметпен қарайды.

Педагог ұлтаралық қатынастар мәдениетін тәрбиелейді, білім алушыларды жасына, жынысына, тіліне, ұлтына, діни көзқарасына, азаматтығына, шығу тегіне, әлеуметтік, лауазымдық және мүліктік жағдайына немесе өзге де кез келген жағдайларға қарамастан барлық ұлттар мен барлық адамдардың құқығы мен қадір-қасиетін құрметтеуге үйретеді;

Педагогтің толеранттылығы білім алушылар мен тәрбиеленушілерге, олардың ата-аналарына (заңды өкілдеріне) төзімділікті, олардың әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге көзқарасына, мәдениетке, наным-сеніміне, туған жері иен тұрғылықты жеріне төзімділікті, сондай-ақ жұмыста білім алушылар мен тәрбиеленушілердің жетілмегенін түсіне және ескере білуді көздейді.

Педагог мектеп ұжымында сенім білдіру және құрметтеу ахуалын жасауға ықпал етеді;

6) кәсіби ынтымақтастық:

педагог кәсіптің беделі туралы ойлайды, әріптестерінің абыройы мен қадір-қасиетін құрметтейді, мұғалімнің беделіне нұқсан келтіретін іс-әрекеттерге жол бермейді.

Қандай да бір нысанда өз әріптестерінің сенімін теріс пайдалануға, олардың кәсіби міндеттерін атқаруына кедергі жасауға, оларға қандай да бір шығын келтіруге жол бермейді. Педагог өз әріптестерінің теориялық және әдістемелік шеберлік деңгейін арттыруға, шығармашылық қабілетін дамытуға жәрдем көрсетеді, қиын жағдайға тап болған әріптестеріне көмекке келеді. Кәсіби ынтымақтастық жалғандық пен әділетсіздікті ақтауға қызмет етпейді;

7) үздіксіз кәсіби даму:

педагог өзінің кәсіби шеберлігін, зияткерлік, шығармашылық және жалпы ғылыми деңгейін жетілдіреді.

Педагогикалық әдептің негізгі нормалары

Педагогтер қызметтік және қызметтік емес уақытта:

1) педагогикалық әдептің негізгі принциптерін сақтайды;

2) білім алушылар мен тәрбиеленушілерді жоғары адамгершілік рухына, ата-аналарына, этномәдени құндылықтарға құрмет көрсетуге, қоршаған әлемге ұқыпты қарауға тәрбиелеуге мүмкіндік жасайды;

3) білім алушыларға Отанына - Қазақстан Республикасына құрметпен қарауды үйретеді, патриотизм рухын ұялатады;

4) Қазақстан Республикасы педагогінің жоғары атағының беделін түсіруге мүмкіндік туғызатын іс-әрекеттерді жасауға жол бермейді;

5) өзінің қызметтік міндеттерін адал және сапалы орындайды;

6) өзінің кәсіби шеберлігін үздіксіз жетілдіреді, өз бетінше білім алу және өзін-өзі жетілдірумен белсенді түрде айналысады;

7) еңбек тәртібін бұлжытпай сақтайды;

8) білім беру ұйымының мүлкіне ұқыпты қарайды және оны жеке мақсатта пайдаланбайды;

9) сыбайлас жемқорлықтың алдын алу бойынша шаралар қабылдайды, өзінің шыншыл, адал және әділ мінез-құлқымен үлгі болады;

10) қызметтік ақпараттарды пайдакүнемдік және өзге де жеке мақсаттарда пайдалануға жол бермейді;

11) өзі үлгі бола отырып, ұжымда тұрақты және жағымды моральдық-психологиялық жағдай қалыптастыруға мүмкіндік жасайды;

12) өзінің қызметтік міндеттерін орындау кезеңінде іскерлік киім үлгісін ұстанады;

13) педагог мәртебесін пайдакүнемдік және өзге де жеке мақсаттарда пайдаланудан аулақ болады;

14) өз қызметінде академиялық адалдық принциптерін мүлтіксіз сақтайды, соның ішінде академиялық ортада адалдық пен өзара сыйластық қалыптастыратын негізгі институционалдық құндылық ретінде академиялық адалдықты қамтамасыз етеді, педагогтің академиялық мәдениетті қалыптастыруға ықпал ететін тәлімгер ретінде өзінің білім алушылары мен тәрбиеленушілеріне құрмет көрсету, білім беру процесіне қатысушыларды академиялық адалдықтың жоғары стандарттарын алға жылжытуға және қорғауға ынталандыру және көтермелеу, педагогтің пәннің нақты саясатын, білім алушылардан күтілетін талаптарды анықтауы, білім алушылардың жауапкершілігін қамтамасыз ету және олардың академиялық адалдық қағидалары мен стандарттарын бұзғаны үшін пәрменді шаралар қабылдау, білім алушыларға білім беру, әлеуметтік және психологиялық қолдау көрсететін және академиялық әділетсіздік танытуға мүмкіндік бермейтін академиялық орта құру;

15) материалдарды БАҚ-та, оның ішінде интернет-басылымдарда жариялайды, жеке тұлға ретінде өз атынан ғана көпшілік алдында сөйлейді, бұл ретте педагогтің жоғары атағына нұқсан келтірмей, пікірталасты дұрыс түрде жүргізуді қамтамасыз етеді, мемлекеттің лауазымды тұлғаларының атына сындарлы емес сыннан және әдепсіз пікірден тартынады, жариялауға рұқсат етілмеген қызметтік ақпаратты ашпайды, қоғамда педагогтің жоғары атағына нұқсан келтірмейді;

16) білім беру ұйымының атынан бұқаралық сөз сөйлеулер, БАҚ жарияланымдары осы ұйымның басшысымен келісіледі;

17) әлеуметтік желілерде тексерілмеген және (немесе) дәйексіз және (немесе) әдепсіз ақпаратты таратпайды, қоғамда педагогтің жоғары атағын нығайтуға ықпал етеді;

18) білім және ғылым саласындағы мемлекеттік саясатты іске асыруға ықпал етеді;

19) білім алушы мен тәрбиеленушінің жетістіктерінің (жетістікке жетпеуінің), оның әлеуметтік жағдайының, ата-анасының (заңды өкілдерінің) жұмыс орнының құпиялылығын қамтамасыз етеді және бұл мәліметтер қәмелетке толмаған білім алушы мен тәрбиеленушінің ата-аналарының (заңды өкілдерінің) немесе қәмелетке толған білім алушы мен тәрбиеленушінің жазба келісімімен ғана жария етіледі.

Білім беру процесіне қатысушылармен қарым-қатынас жасауда педагогтер:

1) жасына, жынысына, ұлтына, діни сеніміне, азаматтығына, шығу тегіне, әлеуметтік, лауазымдық және мүліктік жағдайларына немесе кез келген өзге де мән-жайларға қарамастан адамның құқығын, абыройы мен қадір-қасиетін құрметтейді;

2) білім беру процесіне қатысушыларға есімін атап, құрметті және мәдени түрде, сондай-ақ жалпы қабылданған моральдық-этикалық нормаларды сақтай отырып жүгінеді, білім беру процесіне қатысушылардың аты-жөнін жазуда және айтуда ерікті түрде бұрмалау фактілеріне жол бермейді;

3) білім беру процесіне қатысушыларға қатысты қаржылық және өзге де бопсалау фактілеріне жол бермейді, өз әріптестерінің тарапынан осындай әрекеттердің жолын кесуге күш салады;

4) өз іс-әрекетімен қоғам тарапынан дәлелді сындарға жол бермейді, оған сабырлылықпен қарайды, өзінің кәсіби қызметіндегі кемшіліктерді жою және оны жақсарту үшін сындарлы сынды пайдаланады;

5) білім беру процесінің қатысушыларына кәсіби қолдау көрсетеді;

6) педагогикалық әдептің бұзылуына шағым жасаған адамдарды кемсітпейді.

Әріптестермен қарым-қатынас жасауда педагогтер:

1) жалпы қабылданған моральдық-әдептілік нормаларын, сыпайылық пен биязылықты сақтайды;

2) басқа педагогтің кәсіби біліктілігіне көпшілік алдында күмән келтірмейді;

3) дәйексіз және дәлелсіз шағымдардан бас тартады, педагогикалық әдіптің бұзылғанына шағым жасаған адамға қарсы жауап шараларын қабылдамайды.

Педагогикалық әдептің кейбір мәселелері туралыҚазақстан Республикасы Білім және ғылым министрінің 2020 жылғы 11 мамырдағы № 190 бұйрығы