Оқушылардың ғылыми қоғамы

«Сириус» оқушылардың ғылыми қоғамы

Мақсаты:

Оқушылардың ғылыми зерттеуге қызығушылығын қалыптастыру,шығармашылық қабілетін дамыту, ғылыми ізденудің әдістерін үйрету арқылы оқушыларды ғылыми көрегендікке шығармашылыққа баулып әр жақты дамыған тұлға тәрбиелеу

Міндеттері:

1. Оқушыларды ғылыми-зерттеу жұмысымен таныстыру.

2. ҒТП жетістіктерін насихаттау.

3. Оқушыларды ерте жастан ғылыми-ізденіс жұмыстарына бейімдеу.

4. Оқушылардың жоғарғы деңгейіндегі саналы білім мен іскерлігін көтеруге мүмкіндік жасау.

5. Оқушылардың жүйелі ғылыми көзқарасын қалыптастырып зерттеу және шығармашылық іс-әрекеттерін, қызығуын, қабілетін арттыру.

6. Өз еркімен қалаған ғылым саласы бойынша мамандықты дұрыс таңдауға, алған білімін тиімді пайдалануға ұмтылдыру.

Мазмұны:

Қоғам мүшелерінің білім деңгейіне, қабілетіне және ғылым салаларына, өнер және техникаға қызығушылығын арттырылатын өзекті, мәнді тақырыптардың жиынтығын толықтыра құрып, олармен ізденіс бағытында бірқалыпты шұғылдану.

Қоғам мүшелері ғылыми-зерттеу, шығармашылық бағыттағы жобалар мен бағдарламалар жасау.

Мектеп ішінде оқушылардың ізденіс және шығармашылық жұмыстар туралы конференциялар, интеллектуалды ойындар, олимпиадалар, сайыстар және т.б. шаралар ұйымдастыру.

Қалалық, облыстық және республикалық деңгейдегі ғылыми-практикалық конференция, семинар, фестиваль, олимпиада сайыстарына қатысу.

Ізденіс тақырыптарының тарихи және теориялық негізінде дәлелденген нәтижелердің жетістіктерін мектепте тәжірибе жүзінде қолдану.

Оқушылардың арасында ғылымның әр саласында, өнер және техника салаларындағы жетістіктерін, шығармашылық жұмыстарды ақпараттық құралдармен жеткізіп отыру.

«Сириус» оқушылардың ғылыми қоғамының жұмыс жоспары

Мақсаты:

Қабілетті, ынталы оқушылардың теориялық білімін тереңдету, практикалық дағдысын, шығармашылық қабілеттерін дамыту ғылым жолына бағыт-бағдар беру дарынды балалармен жұмыстың тиімді жүйесін құру.

Міндеттері:

1. Қабілетті балаларды анықтау, оладың шығармашылық дамытуын қадағалау.

2. Қабілетті балалардың белгілі бір ғылым, өнер саласы бойынша дүниетанымның дамуына, шығармашылық бейімділіктерінің жетілуіне, көмек көрсету

3. Қоғамдық, гуманитарлық, жаратылыстану, саяси-идеалогиялық, зерттеушілік, жаңашылдық жұмыстарға деген қызығушылығын арттыру, бағыт-бағдар беру.

4. Өзіндік бақылаулар мен эксперимент жүргізу, практикамен ұштарыса алу, баспа деректерімен жұмыс жасауға қалыптастыру.

ОҒҚ жұмысының негізгі бағыттары:

1. Дарынды оқушыларды ғылыми-шығармашылық іс-шараларға қатыстыру.

2. Ғылыми - әдебиеттермен жұмыс істеуге үйрету, ғылыми зерттеу мәдениетін қалыптастыру.

3. Ғылым зерттеу жұмыстар барысында оқушыларға жекелей, аралық кеңестер ұйымдастыру.

4. Байқаулар мен конференцияларға қатысу барысында оқушылардың ғылыми жұмыстарына рецензия жасау.

5. Ғылыми –шығармашылық конференциялар,олимпиадалық турнирлер дайындау,ұйымдастыру және өткізу.

Ұлттық бірыңғай тестілеу - ҰБТ – жоғары және (немесе) жоғары оқу орнынан кейінгі білім беру ұйымдарына түсуге арналған іріктеу емтихандарының бір нысаны.

ҰБТ өткізіледі:

· ЖОО-ға ақылы негізде оқуға қабылдау үшін орта білім беру ұйымдарының бітіруші 11 (12) сынып оқушыларына;

· республикалық бюджет немесе жергілікті бюджет қаражаты есебінен білім беру грантын беру конкурсына қатысу немесе ЖОО-ға ақылы негізде оқуға қабылдау үшін орта білім беру ұйымдарының ағымдағы жылғы бітірушілеріне;

· республикалық бюджет немесе жергілікті бюджет қаражаты есебінен білім беру грантын беру конкурсына қатысу немесе ЖОО-ға ақылы негізде оқуға қабылдау үшін орта білім беру ұйымдарының өткен жылғы бітірушілері мен техникалық және кәсіптік немесе орта білімнен кейінгі білім беру ұйымдарының бітірушілеріне;

· республикалық бюджет немесе жергілікті бюджет қаражаты есебінен білім беру грантын беру конкурсына қатысу үшін жоғары білімнің қысқартылған оқыту мерзімдерін көздейтін білім беру бағдарламалары бойынша оқуға түсетін техникалық және кәсіптік немесе орта білімнен кейінгі білім беру ұйымдарының бітірушілеріне;

· республикалық бюджет немесе жергілікті бюджет қаражаты есебінен білім беру грантын беру конкурсына қатысу немесе ЖОО-ға ақылы негізде оқуға қабылдау үшін халықаралық алмасу желісі бойынша шетелде білім алған орта білім беру ұйымдарының бітірушілері мен шетелде білім алған, Қазақстан Республикасының азаматы болып табылмайтын, ұлты қазақ адамдарға;

·ЖОО-ға күндізгі оқу бөліміне ақылы негізде қабылдау үшін ҰБТ нәтижесі бойынша шекті балл алмаған, ҰБТ нәтижелері жойылған, бейінді пәндер комбинациясы сәйкес келмейтін ҰБТ нәтижелері бар тұлғалар, күнтізбелік жылы ақылы негізде одан әрі қабылдау үшін;

· ЖОО-ның шығармашылық дайындықты талап ететін білім беру бағдарламалары топтарында оқитын және басқа білім беру бағдарламалары топтарына ауысқысы келетін білім алушылар.

Өткізу формасы:тестілеу.

Өткізілетін орны:ҰБТ өткізу пункттері.

*Қазіргі таңда Қағидаларға ҰБТ-ны өткізу мерзімі бойынша өзгерістер енгізілуде.

Тестілеуге қатысу бағасы - 5640 теңге. Ұлттық бірыңғай тестілеуге қатысу үшін төлемді тестілеуге қатысуға онлайн өтініш беру кезінде банк картасы арқылы немесе Kaspi.kz қосымшасы арқылы онлайн режимде жасайды.

ҰБТ форматы: 5 пән (3 міндетті + 2 бейіндік).

Барлық тест тапсырмаларының саны – 120.

Тестілеудің жалпы уақыты: 4 сағат (240 минут)

Апелляция: қарастырылған.

Ең жоғары балл – 140

Шекті деңгей балы:

Ұлттық ЖЖОКБҰ-ға – кемінде 65 балл, ал "Педагогикалық ғылымдар" білім беру саласы, «Құқық» даярлау бағыты бойынша – кемінде 75 балл."Ауыл шаруашылығы және биоресурстар", "Ветеринария" білім беру салалары бойынша – кемінде 60 балл.

Басқа ЖЖОКБҰ-ға – кемінде 50 балл, ал "Педагогикалық ғылымдар" білім беру саласы бойынша – кемінде 75 балл, "Денсаулық сақтау және әлеуметтік қамтамасыз ету (медицина)" білім беру саласы бойынша – кемінде 70 балл.

Сонымен қатар, әр ЖЖОКБҰ білім беру бағдарламары тобы бойынша өз шекті балын белгілейді.

Бейінді пәндер таңдайтын білім беру бағдарламары тобына байланысты таңдалады.

Орта білім беру ұйымдарында 2023-2024 оқу жылында қорытынды аттестаттаудан өткізу мерзімдері

Қорытынды аттестаттаудың мынадай мерзімдерді қамтиды :

9 (10) - сынып оқушылары үшін қорытынды бітіру емтихандары – 2024 жылғы 29 мамырдан бастап 10 маусым аралығында;

11 (12) - сынып оқушылары үшін қорытынды бітіру емтихандары – 2024 жылғы 28 мамырдан бастап 11 маусым аралығында.

Қорытынды аттестаттауды өткізу:

9 -сынып оқушылары үшін:

1) қазақ тілі/орыс тілі және өзбек/ұйғыр/тәжік тілінде білім беретін мектептер үшін ана тілі (оқыту тілі) бойынша эссе нысанында жазбаша емтихан, гуманитарлық цикл пәндерін тереңдетіп оқытатын мектеп білім алушылары үшін - жазбаша жұмыс (мақала, әңгіме, эссе) – 2024 жылғы 29 мамыр;

2) математика (алгебра) бойынша жазбаша емтихан (бақылау жұмысы) – 2024 жылғы 3 маусым;

3) орыс/өзбек/ұйғыр/тәжік тілінде оқытатын сыныптарда қазақ тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) және қазақ тілінде оқытатын сыныптарда орыс тілі мен әдебиеті бойынша жазбаша емтихан (мәтінмен жұмыс, мәтін бойынша тапсырмаларды орындау) – 2024 жылғы 6 маусым;

4) таңдау пәні бойынша жазбаша емтихан (физика, химия, биология, география, геометрия, Қазақстан тарихы, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатика) – 2024 жылғы 10 маусым;

11 - сынып оқушылары үшін:

1) қазақ тілі/орыс тілі бойынша және ұйғыр/тәжік/өзбек тілінде білім беретін мектептер/сыныптар үшін ана тілі (оқыту тілі) бойынша жазбаша емтихан

2) алгебра және анализ бастамалары бойынша жазбаша емтихан – 2024 жылғы 31 мамыр;

3) Қазақстан тарихы бойынша ауызша емтихан – 2024 жылғы 4 маусым;

4) орыс/өзбек/ұйғыр/тәжік тілдерінде оқытатын мектептерде/сыныптарда қазақ тілі мен әдебиетінен және қазақ тілінде оқытатын мектептерде/сыныптарда орыс тілі мен әдебиетінен жазбаша емтихан – 2024 жылғы 7 маусым;

5) таңдау пәні бойынша жазбаша емтихан (физика, химия, биология, география, геометрия, дүниежүзілік тарих, құқық негіздері, әдебиет (оқыту тілі бойынша), шет тілі (ағылшын/француз/неміс), информатика) – 2024 жылғы 11маусым.