Қазіргі таңда жан-жақты білім мен тәрбие берер мәдени орындардың бірі – мектеп кітапханасы. Оқушылардың кітапқа деген сүйіспеншілігін , оқуға деген ынтасын арттыру мақсатында түрлі әдеби шаралар, кітап көрмесі, әртүрлі тақырыпқа байланысты бұрыштар ұйымдастырылады. Халқымыздың қилы тарихын, өнегелі әдеп-ғұрпы мен салт-дәстүрін, мәдени мұраларын, әдебиет қазыналарын, тереңнен толғайтын сөз өнерін оқырмандарға кітап арқылы насихаттайды.
Кітапхана жұмысының негізгі бағыттары болып табылады:
- Мектеп кітапханасының жұмысын ұйымдастыру, оқу және тәрбие процесін кітапханалық, ақпараттық-библиографиялық қызметінің барлық әдістері мен түрлерімен қамту;
- Кітапқа деген құштарлықты арттыру, оқу мәдениетін тәрбиелеу,
- Оқушылармен жеке және көпшілік жұмыс түрлерін ұйымдастыру;
- Оқушыларды көркем әдебиетті жүйелі оқуға тарту, оның мақсаты оқу пәндерін табысты оқу, ой мен сөз мәдениетін, рухани және әдептілікті, танымдық қызығушылығы мен қабілеттерін дамыту;
- Кітапхана жұмысында жаңа ақпараттық-коммуникативтік технологияларды қолдануын жүзеге асыру.
Кітапханада төмендегідей тұрақты кітап көрмелері құрылады:
«Елімнің бақыты тәуелсіздік!»
«Ер есімі – ел есінде»
«Ұлы халықтың ұлы Абайы»
«Бір ел – бір кітап»
Ұлттық әдебиетіміздегі ең үздік деген туындыны оқу және насихаттау, қоғамның отандық әдебиетке, оның ішінде классикаға, қазіргі әдебиет пен поэзияға деген қызығушылығын әрі қарай жоғарылатуына мүмкіндік туғызатын «Бір ел – бір кітап» акциясы аясында кітапханада шаралар өткізіліп келеді. Сондай ақ 2020-2025 жылдарға арналған мектеп кітапханаларын дамытудың Жол картасы аясында «Оқуға құштар мектеп» жобасы бойынша түрлі бағытта тәрбие сағаттары өтілуде.
Кітапхана жұмысының міндеті:
- Кітапханаға оқырмандарды тарту;
- Кітап оқуға деген қызығушылығын арттыру;
- Кітап қорын насихаттау;
- Кітапты талғаммен оқуға баулу;
- Кітап қорын үнемі жаңа кітаптармен толықтыра отырып, дәстүрлі каталогтар мен картотекалар, электронды каталогтар құру;
- Атаулы күндерге мәдени көпшілік іс-шаралар өткізу;
- Жаңа кітаптарға ұсынба тізімдер жасау;
- Мектепішілік өткізілетін мәдени шараларға материалдар жинақтау
Кітапханашының күнделікті міндеті:
- Жаңа оқырмандарды кітапханаға жазу;
- Қарыз оқырмандардың формулярын қарап, тізімдерін жасау;
- Баспасөз беттеріндегі ағымды жаңалықтар легіне карточкалар толтырып картотекаға құю;
- Оқырмандарға қызмет көрсету.
- Сұраныстарын дер кезінде қанағаттандыру;
- Оқу айналымынан қайтарылған кітаптарды кітап қорына құю;
- Жаңа түскен кітаптарды кітапханалық өңдеуден өткізу;
- Оқырман күнделігін уақытылы толтырып отыру;
2020-2021 оқу жылына жоспарланған және өткізіліп жатырған семинарлар
27.10.2020 жылы онлайн режимінде ZOOM конференциясы арқылы онлайн мектеп платформасында мектеп-лицейіміздің жаратылыстану пән бірлестігі мұғалімдеріне "ТЖБ тапсырмаларын құрастыру және өткізудің тиімді жолдары" атты семинар өткізілді. Семинар модераторы, жаратылыстану бірлестігінің химия пәні мұғалімі Бергалиева Гульмайра Калимуллиновна ТЖБ ұйымдастырудың әдіс-тәсілдерін ұсынды. Жарастылыстану бірлестігі ұйымдастырған семинардың басты мақсаты: бірлестік ұстаздарымен ТЖБ өткізу жолдарын қарастыру, дайын тапсырмаларды қолдану алгоритмімен бөлім бойынша жиынтық бағалау тапсырмаларын жүйелі құрастыру.
Бүгінгі жан-жақты білімді, бәсекеге қабілетті жас мамандар – елдің тұтқасы. Еліміздегі ірі өзгерістер, қоғамдағы жаңалықтар негізгі білім ордасы - мектептерде де өз көрінісін тауып келеді. Білікті маман болуға жетелейтін жол жас маман кезінен дұрыс бағытталған жұмысқа байланысты да болуы мүмкін. Осыған орай жас ұстпздарға әдістемелік көмек беру мақсатында жыл бойы жұмыстар жүргізіледі. Қараша айының 9-ы күні мектеп-лицейіміздегі "Жас opinion team" жобасы аясында жас ұстаздарға "Қарым-қатынас құзіреттілігі" тақырыбында тимбилдинг өткізілді. Мақсаты: теориялық және практикалық білімді жетілдіру бойынша кәсіби құзіреттілік деңгейі және жас мамандардың әдістемелік дайындығы мәселелерінде ғылыми-әдістемелік қолдау көрсету. Аталмыш жоба жетекшісі С.У.Нурсапина тимбилдинг барысында тәлімгерлік жұмыстың маңызы, нәтижелі қарым-қатынас жолдары туралы ақпарат берді. Ізденімпаздық нәтижелі жұмысқа апаратын негізгі қадам деп ой түйіндеді. Тәлімгер Г.К.Кусанова, мектеп психологы С.С.Тажен, директордың ӘІЖ орынбасары Ж.Ж.Жолдасбаева да педагогикалық үдерістегі оқу мен тәрбиенің ең басты жетістігі өзара ынтымақтастықтан бастау алатынын түсіндірді. Жас ұстаздар тимбилдинг бойынша өз пікірлерін ортаға салып, ұстаздық жолындағы кездесіп жүрген ойларымен бөлісті.
13.11.2020 жылы мектеп-лицейімізде мұғалімдерге арналған "Онлайн мектептің жаңа мүмкіндіктерін мұғалімдерге таныстыру" тақырыбында ZOOM платформасында семинар өтті. Семинар мақсаты: Онлайн жүйеде сабақ берудің әдіс-тәсілдері мен онлайн мектепте мультимедиялық технологияларды тиімді қолдану, онлайн режим мүмкіндіктерін пайдалана отырып, оқытудың біліктілігін арттыру. Онлайн семинарды ұйымдастырған информатика пәнінің мұғалімі Саймова Фариза Бисембаевна. Online мектеп сайтының ішінде Bilimland.kz және мектеп бағдарламасының барлық пәндерін кешенді оқыту платформаның функционалдығы аясында өтетіндігі талқыланды. Семинар өте тартымды, жинақы өтті. Мұғалімдер онлайн мектептің жаңа мүмкіндіктері мен онлайн оқытудың қыр-сырларын меңгеріп,оқу процесін ұйымдастырудың тиімді жолдарын талқылады.
Семинар барысында мектеп-лицей Ж. Жолдасбаева педагогтер мен мектеп қызметкерлеріне қазіргі кезде Covid-2019 қауіпті індетінің белең алуына байланысты профилактикалық сақтық шараларын тұрақты істеуге кеңес берді. Карантин жағдайында санитарлық-эпидемиологиялық талаптарды қатаң түрде сақтап жүру керек екендігін түсіндіріп өтті.
17.11.2020 жылы "Сынып жетекшілердің әдістемелік шеберханасы" тақырыбында сынып жетекшілер, мектеп психологы, тәлімгер, әлеуметтік педагогтың қатысуымен онлайн семинар өтті. Семинарды директордың тәрбие ісі жөніндегі орынбасары Гульдана Сайлауовна жүргізді. Семинар барысында биылғы оқу жылындағы тәрбие тұжырымдамалары ерекшелігі, тәрбие жұмысында қашықтан оқытудағы тиімді технологияларды қолдануды ұйымдастыру және сынып жетекшілердің ата-анамен байланыс жүйесін бақылау жөнінде талқыланып, өзекті мәселелер айтылды. Семинарда биология пәнінің мұғалімі Боранбайқызы Назерке өз тәжірибесімен бөлісті. Семинарда айтылған мәселелер талқыланып, ортақ шешімге қол жеткізді.
Білім алушылардың бойында патриотизм мен азаматтық жауапкершілікті қалыптастыру және дамыту мақсатында "Сынып жетекшілердің әдістемелік шеберханасы" семинарында ұстаздар ой бөлісіп, өз тәжірибелерін ортаға салды. Ал құқықтық тәрбиені өзекті мәселе деп танып, білім алушылардың санасы мен құқықтық мәдениетін қалыптастыру, негізгі заңдарды білу оларды түсіну және мүлтіксіз орындау, құқыққа ,заңдылыққа құрмет көрсету ,сол заңдылықтарды өмірде қолдана білу, бала бойына нормаларға қайшы келмейтін мінез-құлық әдетін дарыту аясында лицейімізде әртүрлі іс-шаралар ұйымдастырылды. Атап өтетін болсақ, азамат тұлғасын тану барысында самбодан халықаралық дәрежедегі ҚР спорт шебері Сериков Нурболмен кездесу ұйымдастырылса, экологиялық мәдениетті, қауіпсіз өмір салтын сақтау мақсатында акциялар жүргізілді.
30 қараша күні математика, физика, информатика пәні мұғалімдерінің ұйымдастыруымен "Қашықтан оқытудағы сандық технологиялардың тиімділігі" тақырыбында семинар өткізілді. Мақсаты: қашықтан білім берудегі сандық технологиялар туралы мағлұмат беріп, тиімді тұстарын ұсыну.
Семинар барысында "Microsoft Teams ортасында қашықтан оқуды ұйымдастыру" -Саймова Ф.Б; "Google meet" - Курмангалиев Д.Е; " Қашықтан оқыту жағдайында Google Classroom интернет платформасының тиімділігі"- Мукашева Р.Б; "Learning apps сервисі арқылы тапсырмаларды құрастыру"- Батыргалиева А.Қ; "Edpuzzle сервисін сабақтарда қолдану"-Капашева Г.Н; "Loom бағдарламасы арқылы бейнесабақтар құру" -Утегенова А.С өз тәжірибелерімен бөлісті.Семинар соңында физика пәні мұғалімі Орынгалиев О.К мұғалімлермен Quizizz платформасы арқылы кері байланыс жасады.
3 қараша күні «Заңғар» желілік қауымдастығы мектептерінің арасында математика пәнінен «Олимпиада есептерін шығару» тақырыбында семинар-практикум өткізілді. Мақсаты: олимпиада есептерін шығарудың тиімді тәсілдерімен бөлісті. Математика пәнінен олимпиадасында жиі кездесетін тақырыптары қарастырылып, тиімді шешу жолдары ұсынылды. Семинар барысында математика пәнінің мұғалімдері Г.Х.Хусаинова «Теңсіздіктерді дәлеледу», А.Қ. Батырғалиева «Стандартты емес теңдеулерді шешу», Г.Н. Капашева «Геометриялық есептерді шешу үлгілері » тақырыбында өз тәжірибесімен бөлісті.
